تاثیر 30 اگست ۲۰۲۵:- ایس -ایم- حسن
نئی دہلی، 30 اگست: ہندوستانی ٹیسٹ ٹیم کے کپتان اور ٹی ٹوئنٹی کے نائب کپتان شبھمن گل آئندہ ایشیا کپ کے لیے دبئی روانہ ہونے سے قبل فٹنس کا جائزہ لینے اور تیاریوں کے لیے بنگلورو میں بی سی سی آئی سینٹر آف ایکسی لینس پہنچے۔ 9 ستمبر کو میزبان متحدہ عرب امارات کے خلاف ٹورنامنٹ کے اپنے پہلے میچ سے قبل ہندوستانی ٹیم کے ارکان 4 ستمبر کو دبئی میں جمع ہوں گے۔
فلو کی وجہ سے، گل ایسٹ زون کے خلاف جاری دلیپ ٹرافی کوارٹر فائنل میں نہیں کھیلے تھے، جہاں انہیں نارتھ زون کا کپتان بنایا گیا تھا۔
گل بنگلورو جانے سے پہلے چنڈی گڑھ میں اپنے گھر پر بیماری سے ٹھیک ہو رہے تھے۔ ممکن ہے کہ گل بنگلورو سے دبئی کے لیے اڑان بھریں کیونکہ اس بار کھلاڑی مختلف مراحل میں اپنے اپنے مقامات سے دبئی پہنچیں گے، جب کہ پہلے ٹیمیں ممبئی میں جمع ہوتی تھیں اور ساتھ سفر کرتی تھیں۔
گل کے علاوہ وکٹ کیپر بلے باز جیتیش شرما بھی پری ٹورنامنٹ کی تیاریوں کے لیے بنگلور پہنچ گئے ہیں۔ شاردول ٹھاکر دلیپ ٹرافی کے سیمی فائنل میں ویسٹ زون کی کپتانی کے لیے تیار ہیں، جب کہ جیسوال اور واشنگٹن، جو ایشیا کپ کے لیے اسٹینڈ بائی لسٹ میں ہیں، ڈومیسٹک سیزن کے اوپنر کے آخری چار میچوں میں بھی کھیلیں گے۔