تاثیر 12 اگست ۲۰۲۵:- ایس -ایم- حسن
ارریہ، 12 اگست:سشستر سیما بال (ایس ایس بی) 56ویں بٹالین نے منگل کے روز بتھناہا ہیڈکوارٹر سے جوگبانی آئی سی پی تک سائیکل اور بائیک ریلی کا اہتمام کیا۔ ایس ایس بی 56ویں بٹالین کے کمانڈنٹ آئی پی ایس شاشوت کمار کی صدارت میں آزادی کا امرت مہوتسو کے طور پر ہر گھر ترنگا ابھیان پروگرام کے تحت ترنگا بائیک اور سائیکل ریلی نکالی گئی۔ کمانڈنٹ نے بتھناہا ہیڈ کوارٹر سے ریلی کو جھنڈی دکھا کر روانہ کیا۔اس موقع پر کمانڈنٹ نے اپنے خطاب میں کہا کہ ہر گھر ترنگا کا مقصد ہر شہری کے اندر جذبہ حب الوطنی کو بیدار کرنا اور انہیں اپنے قومی پرچم کی اہمیت کے بارے میں مزید آگاہ اور ترقی یافتہ بنانا ہے۔ ریلی کا اہتمام ایس ایس بی 56 ویں بٹالین ہیڈ کوارٹر سے جوگبانی آئی سی پی گیٹ تک کیا گیا تھا اور واپس کور ہیڈ کوارٹر پر اختتام پذیر ہوا۔ ریلی کا اہتمام کرکے، مقامی لوگوں کو 13 اگست سے 15 اگست کے درمیان ان کے گھر پر ترنگا جھنڈا لہرا کر آزادی کا امرت مہوتسو منانے اور سرکاری ویب سائٹ www.harghartiranga.com پر ترنگے کے ساتھ اپنی سیلفی اپ لوڈ کرنے کے لیے ا?گاہ کیا گیا۔ 56ویں کور ہیڈ کوارٹر کے افسران اور فورس کے جوانوں اور ایس ایس بی جوائنٹ اسپتال کے افسران اور دیگر فورس کے جوانوں نے پروگرام میں جوش و خروش سے حصہ لیا۔ تمام شرکاء نے ترنگا اپنے ساتھ لیا اور حب الوطنی کے نعروں کے ساتھ عوامی بیداری کا پیغام دیا۔