تاثیر 22 اگست ۲۰۲۵:- ایس -ایم- حسن
نئی دہلی، 22 اگست: سپریم کورٹ کی تین رکنی بنچ نے آوارہ کتوں کے معاملے پر دو ججوں کی بنچ کے حکم کو تبدیل کر دیا ہے اور کہا ہے کہ دہلی میں آوارہ کتوں کو حفاظتی ٹیکے لگانے اور بانجھ ہونے کے بعد ہی انہیں شیلٹر ہومز سے رہا کیا جائے گا۔ جسٹس وکرم ناتھ کی سربراہی والی بنچ نے کہا کہ پناہ گاہوں سے آوارہ کتوں کو چھوڑنے پر پابندی اس تبدیلی کے ساتھ ختم کی جا رہی ہے۔
سپریم کورٹ نے واضح کیا کہ جو کتے جارحانہ ہیں اور ریبیز میں مبتلا ہیں انہیں شیلٹر ہوم سے نہیں چھوڑا جائے گا۔ عدالت نے کہا کہ آوارہ کتوں کو سڑکوں پر نہیں کھلایا جا سکتا۔ آوارہ کتوں کو کھانا کھلانے کی جگہ کا تعین میونسپل کارپوریشن کو کرنا چاہیے۔ عدالت نے کہا کہ وہ اس معاملے کی تفصیل سے سماعت کرے گی اور پورے ملک کے لیے پالیسی تیار کرے گی۔