تاثیر 25 اگست ۲۰۲۵:- ایس -ایم- حسن
بھوپال، 25 اگست: مرکزی زراعت اور کسانوں کی بہبود کے وزیر شیوراج سنگھ چوہان نے پیر کو مدھیہ پردیش کے دارالحکومت بھوپال میں انڈین انسٹی ٹیوٹ آف سائنس ایجوکیشن اینڈ ریسرچ (آئی آئی ایس ای آر) کے 12ویں کانووکیشن میں شرکت کی۔ اس موقع پر انہوں نے طلباء سے جذباتی اپیل کرتے ہوئے کہا کہ وہ ملک چھوڑ کر نہ جائیں بلکہ اپنے علم اور ہنر کو ہندوستان کی ترقی کے لیے استعمال کریں۔ انہوں نے ریاست کے شہریوں سے بھی دیسی مصنوعات استعمال کرنے کی اپیل کی۔
تقریب سے خطاب کرتے ہوئے مرکزی وزیر زراعت چوہان نے کہا کہ آئی آئی ایس ای آر کے کیمپس کو دیکھ کر مجھے جذباتی ہوگیا۔ میں یہاں چچا بن کر آیا ہوں۔ میرے بیٹے اور بیٹیو، اپنی زندگی کے لیے ایک بڑا مقصد طے کرو۔ یہ اتنا باوقار ادارہ ہے، مجھے کہنے کی ضرورت نہیں، آپ کو اپنی روزی روٹی کمانی ہوگی۔ ہاں لیکن ملک چھوڑ کر مت جانا۔ میں اپنے دل سے یہ کہہ رہا ہوں کہ اپنے علم کو اپنے ملک کے لیے مفید بنانے کی کوشش کرنا ضروری ہے۔ ہندوستان اتنی تیزی سے ترقی کر رہا ہے، ہمارے پاس ٹیلنٹ کی کوئی کمی نہیں ہے۔