تاثیر 30 اگست ۲۰۲۵:- ایس -ایم- حسن
نئی دہلی، 30 اگست: دہلی کی وزیر اعلیٰ ریکھا گپتا نے کہا کہ دارالحکومت کے تمام 11 اضلاع میں منی سیکرٹریٹ قائم کیے جا رہے ہیں، جہاں اہلکاروں کو ضروری وسائل، اختیارات اور عملہ فراہم کیا گیا ہے۔ یہ بات انہوں نے ہفتہ کو علی پور ڈی ایم آفس میں ڈسٹرکٹ کمیٹی چیئرمین کے دفتر کا افتتاح کرتے ہوئے کہی۔
وزیراعلیٰ نے کہا کہ گڈ گورننس، شفافیت اور احتساب کی قراردادوں کو ٹھوس شکل دیتے ہوئے ضلع شمالی کے ڈی ایم آفس کی مکمل تزئین و آرائش کرکے اسے عوامی خدمت کا ایک مضبوط مرکز بنایا گیا ہے۔ انہوں نے کہا کہ اب مقامی لوگ براہ راست ڈی ایم آفس میں اپنے مسائل درج کر کے فوری حل حاصل کر سکیں گے۔ یہ جوابدہ طرز حکمرانی کی نئی شکل ہے۔
اس موقع پر رکن پارلیمنٹ یوگیندر چندولیا، کابینی وزیر رویندر اندرراج، دہلی اسمبلی کے ڈپٹی اسپیکر موہن سنگھ بشت موجود تھے۔ وزیر اعلیٰ نے یہ معلومات اپنے ایکس اکاؤنٹ پر شیئر کیں۔