تاثیر 13 اگست ۲۰۲۵:- ایس -ایم- حسن
سیتامڑھی 13 اگست(مظفر عالم)نان پور بلاک اجلاس ہال کے اندر 20 نکاتی عمل آوری کمیٹی کی اجلاس بلاک صدر نیرج کمار سنگھ کی صدارت میں بلاک میں منعقد ہوئی۔ اجلاس میں تمام محکموں کے کاموں کا جائزہ لیا گیا اور کسی بھی محکمے میں پائی جانے والی خامیوں کو فوری دور کرنے کی تجویز منظور کی گئی۔
صدر نیرج کمار سنگھ نے کہا کہ وزیر اعلیٰ نتیش کمار غریب عوام کی فلاح و بہبود کے لیے کئی عوامی فلاحی اسکیمیں چلا رہے ہیں اور یہ افسران اور ملازمین کا فرض ہے کہ وہ انہیں صحیح مستحقین تک پہنچائیں۔ غفلت برتنے والے افسران و ملازمین کو بخشا نہیں جائے گا۔ انہوں نے عوام کو مشورہ دیا کہ وہ پوری ایمانداری اور تندہی سے کام کریں۔ اجلاس میں بلاک میں آدھار سنٹر کی عدم موجودگی پر تشویش کا اظہار کرتے ہوئے ڈی ایم سیتامڑھی سے آدھار سنٹر کھولنے کا مطالبہ کیا گیا۔ اجلاس میں غیر حاضر افسران کی ایک دن کی تنخواہ میں کٹوتی کی تجویز بھی منظور کی گئی۔ نان پور بی ڈی او عابد حسین ،نان پور سی او سمیت کمار یادو، نان پور پولیس صدر روپیش کمار، انیمل ہسبنڈری آفیسر ڈاکٹر پون کمار، بی سی او گووند کمار، اسسٹنٹ سٹیٹسٹیکل آفیسر ہری شنکر ٹھاکر، بلاک سپلائی آفیسر راہول رنجن، میڈیکل آفیسر ڈاکٹر انیل کمار، نائب صدر ابھے کمار منا، شیو رام پرساد، رویندر منڈل، رام بابو، رام بٹو، اور دیگر شامل تھے۔