تاثیر 07 اگست ۲۰۲۵:- ایس -ایم- حسن
نئی دہلی، 7 اگست:سرکاری اسکولوں کے چھوٹے بچوں نے جمعرات کو وزیر اعلیٰ جن سیوا سدن میں وزیر اعلیٰ ریکھا گپتا کو راکھی باندھی۔ وزیر اعلیٰ جن سیوا سدن کا آج کچھ اور ہی رنگ تھا اور پورا ایوان بچوں کے قہقہوں سے گونج اٹھا۔وزیر اعلیٰ نے ایک پوسٹ میں کہا کہ جب سرکاری اسکولوں کے چھوٹے بچے رکشا بندھن کے موقع پر راکھیاں لائے تو یہ رسم ہمارے رشتے کی ایک نئی تعریف تھی۔ ان کے چھوٹے چھوٹے ہاتھوں سے بندھے ہوئے دھاگے ایک ایسے کل کا وعدہ تھے جہاں ہر بچہ اپنے خوابوں کو بلا خوف، بلا تفریق پرواز کر سکے گا۔ انہوں نے کہا کہ بچوں کی ہنسی، ان کی معصوم آنکھوں میں چمک، یہ ہمارے ہر فیصلے کی جڑ ہے، ہماری ہر پالیسی کی بنیاد ہے۔ تمام بچوں کو ڈھیروں پیار دیتے ہوئے وزیراعلیٰ نے کہا کہ آج آپ نے میری کلائی پر جو اعتماد باندھا ہے اس کو میں سلام پیش کرتی ہوں۔ قابل ذکر ہے کہ ملک بھر میں 9 اگست کو رکشا بندھن منایا جائے گا۔