تاثیر 24 ستمبر ۲۰۲۵:- ایس -ایم- حسن
نئی دہلی، 24 ستمبر: مرکزی کابینہ نے بدھ کے روز ملک بھر کے سرکاری میڈیکل کالجوں میں 5,023 ایم بی بی ایس اور 5,000 پی جی نشستوں کی توسیع کو منظوری دی۔ اس توسیع کی تخمینہ لاگت 1.5 کروڑ روپے فی سیٹ ہے۔ وزیر اعظم نریندر مودی کی صدارت میں مرکزی کابینہ کی میٹنگ میں اس سلسلے میں تجویز کو منظوری دی گئی۔ مرکزی وزیر اطلاعات و نشریات اشونی وشنو نے نیشنل میڈیا سینٹر میں منعقدہ ایک پریس کانفرنس میں کابینہ کے فیصلے کا اعلان کیا۔ انہوں نے کہا کہ یہ پہل مرکزی اسپانسرڈ اسکیم (سی ایس ایس) کے تیسرے مرحلے کے تحت کی گئی تھی۔ اس اسکیم کا کل مالی بوجھ 2025-26 سے 2028-29 تک 15,034.50 کروڑ ہے، جس میں مرکزی حکومت کا حصہ 10,303.20 کروڑ اور ریاستوں کا حصہ 4,731.30 کروڑ ہے۔ اس وقت ملک میں 808 میڈیکل کالج ہیں، جن میں ایم بی بی ایس کی کل 123,700 نشستیں ہیں۔ پچھلی دہائی میں 69,352 نئی ایم بی بی ایس اور 43,041 پی جی سیٹیں شامل کی گئی ہیں۔ پردھان منتری سوستھیا تحفظ یوجنا (پی ایم ایم ایس وائی) کے تحت بائیس نئے آل انڈیا انسٹی ٹیوٹ آف میڈیکل سائنسز (اے آئی آئی ایم ایس) جدید ترین تدریسی سہولیات کے ذریعے اعلیٰ معیار کی ترتیری صحت کی دیکھ بھال کی خدمات فراہم کر رہے ہیں اور ہنر مند صحت کی دیکھ بھال کے پیشہ ور افراد کو تیار کر رہے ہیں۔ وزارت صحت اور خاندانی بہبود کے مطابق، یہ اقدام ملک میں صحت کی دیکھ بھال تک جامع اور معیاری رسائی کو یقینی بنانے کے لیے حکومت کے عزم کو مزید تقویت دیتا ہے۔