تاثیر 18 ستمبر ۲۰۲۵:- ایس -ایم- حسن
میونخ، 18 ستمبر: انگلش فارورڈ ہیری کین کے دو گول کی بدولت جرمن چیمپئن بائرن میونخ نے بدھ کی رات دیر گئے یو ای ایف اے چیمپئنز لیگ کے افتتاحی میچ میں چیلسی کو 1-3 سے شکست دی۔
پہلا گول چیلسی کے دفاعی کھلاڑی ٹریووہ چلوبہ نے اپنے ہی گول سے کیا، جس نے 20ویں منٹ میں بائرن کو برتری دلائی۔ اس کے بعد کین نے 27ویں منٹ میں پنالٹی کے ذریعے برتری کو بڑھا دیا۔ تاہم صرف دو منٹ بعد کول پامر نے چیلسی کو واپسی کی امید دلائی۔ تاہم کین نے 63ویں منٹ میں ایک اور گول کر کے میچ بائرن کے حق میں کر دیا۔
یہ بایرن کا چیمپئنز لیگ کا لگاتار 22 واں اوپنر تھا۔ ادھر پریمیئر لیگ میں ناقابل شکست رہنے والی چیلسی کو اس سیزن میں پہلی شکست کا سامنا کرنا پڑا۔
دوسری جانب انٹر میلان نے ایجیکس کو 0-2 سے شکست دے کر اپنی مہم کا مضبوط آغاز کیا۔ فرانسیسی اسٹار مارکس تھورام نے دونوں گول کئے۔ اس نے ہاف ٹائم سے تین منٹ قبل ہاکان چالہانوگلو کے کارنر سے ایک شاندار ہیڈر سے گول کیا۔ اس کے بعد دوسرے ہاف کے اوائل میں اس نے ایک اور ہیڈر کے ذریعے برتری کو دگنا کردیا۔