تاثیر 4 ستمبر ۲۰۲۵:- ایس -ایم- حسن
بھوپال، 4 ستمبر: وزیر اعلیٰ ڈاکٹر موہن یادو نے مدھیہ پردیش کے اندور کے ایم وائی اسپتال میں چوہے کے کاٹنے سے دو نوزائیدہ بچوں کی موت پر دکھ کا اظہار کیا ہے۔ انہوں نے واقعہ کی اعلیٰ سطحی انکوائری اور ذمہ داروں کے خلاف سخت کارروائی کی ہدایت دی ہے۔ وزیر اعلیٰ کی ہدایت کے بعد بدھ کی دیر رات محکمہ کے سربراہ کو فوری طور پر نوٹس جاری کیا گیا اور دو دیگر افسران کو معطل کر دیا گیا۔ بدھ کی دیر رات تک اس معاملے میں کل 4 لوگوں کو معطل کیا گیا ہے۔
بدھ کی دیر رات وزیر اعلیٰ کے دفتر کے ذریعہ سوشل میڈیا کے توسط سے معلومات دی گئی۔ ایکس پر لکھا، ’’’وزیر اعلیٰ ڈاکٹر موہن یادو نے اندور ایم وائی اسپتال میں نوزائیدہ بچوں کی موت کو افسوسناک قرار دیا، انہوں نے کہا کہ حکومت کی طرف سے کسی بھی قسم کی لاپرواہی برداشت نہیں کی جائے گی۔ ایسے واقعات کی روک تھام کے لیے مسئلے کا مستقل حل تلاش کیا جائے گا۔