تاثیر 1 ستمبر ۲۰۲۵:- ایس -ایم- حسن
شملہ، یکم ستمبر: ہماچل پردیش میں مسلسل موسلادھار بارش نے نظام زندگی کو مکمل طور پر درہم برہم کر دیا ہے۔ محکمہ موسمیات نے یکم اور 2 ستمبر کو ریاست کے کئی اضلاع میں شدید بارش کے لیے ریڈ الرٹ جاری کیا ہے۔ گزشتہ دو دنوں سے جاری موسلادھار بارش کی وجہ سے مٹی کے تودے گرنے اور مکانات کے گرنے کے واقعات نے تباہی مچا دی ہے۔ صرف شملہ ضلع میں ہی مختلف حادثات میں چار افراد اپنی جان سے ہاتھ دھو بیٹھے ہیں جن میں ایک باپ بیٹی بھی شامل ہے۔ بارش سے ریاست بھر میں سڑک، بجلی اور پانی کی فراہمی کا نظام بری طرح متاثر ہوا ہے۔
اسٹیٹ ایمرجنسی آپریشن سینٹر کے مطابق، پیر کی صبح تک پانچ قومی شاہراہوں سمیت 788 سڑکیں لینڈ سلائیڈنگ اور شدید بارش کی وجہ سے بند ہیں۔ سب سے زیادہ 265 سڑکیں منڈی میں، 175 کلو میں، 136 سرمور میں اور 68 سولن میں ہیں۔