تاثیر 5 ستمبر ۲۰۲۵:- ایس -ایم- حسن
نئی دہلی، 05 ستمبر: نیوزی لینڈ کے سابق کپتان اور لیجنڈری بلے باز راس ٹیلر نے انٹرنیشنل کرکٹ میں واپسی کا اعلان کر دیا۔ ٹیلر اب آئی سی سی T20 ورلڈ کپ ایشیا-ایسٹ ایشیا پیسیفک کوالیفائر میں ساموا ٹیم کے لیے کھیلتے نظر آئیں گے۔ یہ ٹورنامنٹ ساموا کا اگلے سال ہونے والے مینز T20 ورلڈ کپ کا آخری راستہ ہے۔ سامواکی ٹیم اپنی مہم کا آغاز 8 اکتوبر سے عمان سے کرے گی جہاں اس کا مقابلہ عمان اور پاپوا نیو گنی سے ہوگا۔
ٹیلر نے سوشل میڈیا پر ایک باضابطہ اعلان کرتے ہوئے کہا، “یہ آفیشل ہے کہ میں نیلی جرسی پہن کر ساموا کی نمائندگی کرنے جا رہا ہوں۔ یہ صرف اس کھیل میں واپسی نہیں ہے جس سے مجھے پیار ہے، بلکہ اپنے ورثے، ثقافت، گاؤں اور خاندان کو عزت دینے کا ایک بہترین موقع بھی ہے۔” ٹیلر کا مزید کہنا تھا کہ “میں نے ہمیشہ سوچا تھا کہ میں کوچنگ یا کسی اور کردار میں سموآ کو اپنا حصہ دوں گا۔ میں نے کبھی نہیں سوچا تھا کہ میں کھیلوں گا۔ لیکن جب یہ موقع آیا تو میں نے اسے قبول کرنے کا فیصلہ کیا۔