تاثیر 13 ستمبر ۲۰۲۵:- ایس -ایم- حسن
کولکاتہ، 13 ستمبر:مغربی بنگال میں اساتذہ کی بھرتی گھوٹالہ کی جانچ کر رہی مرکزی تفتیشی بیورو (سی بی آئی) کو بڑی معلومات ملی ہیں۔ ایجنسی کے مطابق سابق وزیر تعلیم اور ترنمول کانگریس کے جنرل سکریٹری پارتھ چٹرجی نے افسران کے بار بار تبادلے اور ردوبدل کو اپنی سب سے بڑی حکمت عملی بنایا تھا۔ اس کے ذریعے اس نے طویل عرصے تک بے قاعدگیوں کو انجام دیا اور شکوک کا امکان کم کردیا۔مغربی بنگال اسکول سروس کمیشن (ڈبلیو بی ایس ایس سی) ریاست کے ثانوی اور اعلیٰ ثانوی اسکولوں میں اساتذہ اور غیر اساتذہ (گروپ-سی اور گروپ-ڈی) ملازمین کو بھرتی کرتا ہے۔