تاثیر 8 ستمبر ۲۰۲۵:- ایس -ایم- حسن
تیونس،08ستمبر:ایک ہزار سے زیادہ لوگ اتوار کو تیونس کی ایک بندرگاہ پر بارسلونا سے آنے والی ایک امدادی کشتی کے استقبال کے لیے جمع ہوئے جس میں ماحولیاتی کارکن گریٹا تھنبرگ اور دیگر فلسطینی حامی مہم کار موجود تھے۔ ان افراد کا مقصد غزہ کی اسرائیلی ناکہ بندی کو توڑنا ہے۔تھنبرگ نے کہا، “ہم سب جانتے ہیں کہ ہم یہاں کیوں آئے ہیں۔ پانی کے اس پار کچھ ہی فاصلے پر ایک نسل کشی ہو رہی ہے، اسرائیل کے قتل و غارت سے وسیع پیمانے پر فاقہ کشی جاری ہے۔یورپی پارلیمنٹ کی رکن ریما حسن سیدی بو سعید بندرگاہ پر عالمی صمود فلوٹیلا کا استقبال کرنے والے ہجوم میں شامل تھیں۔انہوں نے کہا، “فلسطینی مقصد آج حکومتوں کے ہاتھ میں نہیں ہے، یہ ہر جگہ کے لوگوں کے دلوں میں ہے۔انہوں نے اس کردار کی تعریف کی جوفلسطینی عوام کے ساتھ کسی بھی طرح کی یکجہتی کو روکنے والی ریاستوں کی بزدلی کے سامنے آج لوگوں نے ادا کیا ہے۔