تاثیر 24 ستمبر ۲۰۲۵:- ایس -ایم- حسن
کاٹھمنڈو، 24 ستمبر:نیپال میں جن زی کے احتجاج کے دوران لوٹے گئے ہتھیاروں، گولہ بارود اور مواصلاتی آلات کا مکمل حساب کتاب ابھی تک جمع نہیں کیا جا سکا ہے۔ ملک بھر کے تھانوں سے چوری ہونے والے تقریباً 3000 ہتھیاروں میں سے اب تک صرف 200 واپس کیے جا سکے ہیں۔ تحریک کے دوران ملک بھر کی جیلوں سے فرار ہونے والے تقریباً 8000 قیدی تاحال فرار ہیں۔
نیپال میں نوجوانوں کی تحریک کے دوران، پولیس اسٹیشنوں سے نہ صرف ایس ایل، انساس رائفلز، اور پستول جیسے جدید ترین ہتھیار لوٹ لیے گئے، بلکہ قتل، اغوا اور ڈکیتی جیسے سنگین جرائم میں سزا کاٹ رہے ہزاروں قیدی بھی جیلوں سے فرار ہو گئے۔ چوری ہونے والے ہتھیاروں، گولہ بارود اور مواصلاتی آلات کا مکمل حساب کتاب ابھی تک مرتب نہیں کیا جا سکا ہے۔ پولیس ہیڈ کوارٹرز کے مطابق ملک بھر کے تھانوں سے چوری ہونے والے تقریباً 3000 ہتھیاروں میں سے اب تک صرف 200 واپس لئیجا سکے ہیں۔