تاثیر 19 ستمبر ۲۰۲۵:- ایس -ایم- حسن
نئی دہلی، 19 ستمبر:دہلی ہائی کورٹ کے جسٹس منوج کمار اوہری کی سربراہی والی بنچ نے صحافی پریا رمانی کے خلاف ان کے ہتک عزت کے مقدمے کو خارج کرنے کے ٹرائل کورٹ کے فیصلے کے خلاف سابق مرکزی وزیر ایم جے اکبر کی اپیل کو دوسری بنچ کو منتقل کر دیا ہے۔ جسٹس اوہری نے اس اپیل کو ممبران پارلیمنٹ اور ایم ایل ایز کے خلاف دائر فوجداری مقدمات کی سماعت کے لیے تشکیل دی گئی بنچ کو منتقل کر دیا۔
عدالت نے 11 اگست 2021 کو پریا رمانی کو نوٹس جاری کیا۔ 17 فروری 2021 کو راؤس ایونیو کورٹ نے ایم جے اکبر کے ہتک عزت کے مقدمے کو خارج کر دیا اور پریا رمانی کو بری کر دیا۔ پریا رمانی کو بری کرتے ہوئے ایڈیشنل میٹرو پولیٹن مجسٹریٹ نے کہا کہ عورت کو دہائیوں بعد بھی اپنی شکایت کی پیروی کرنے کا حق ہے۔