تاثیر 10 ستمبر ۲۰۲۵:- ایس -ایم- حسن
شمالی 24 پرگنہ، 10 ستمبر: مغربی بنگال میں باگدا کے ہیلینچا بنچی ڈانگا علاقے میں رہنے والیبنگلہ دیش کے سابق پوسٹل ورکر پرمتھ رنجن بسواس نے ہندوستانی شہریت حاصل کر لی ہے۔ ستمبر 2025 میں شہریت کا سرٹیفکیٹ ملنے کے بعد وہ جذباتی ہو گئے اور کہا کہ ’’اب کوئی مجھے ہندوستان سے باہر نہیں نکال سکے گا، میں ہندوستانی شہری ہوں، حکومت ہند نے مجھے پہچان لیا ہے‘‘۔ پرمتھ رنجن بسواس اصل میں بنگلہ دیش کا رہنے والا تھا اور پیشے کے اعتبار سے ڈاک کا ملازم رہا ہے۔ سال 2009 میں، وہ ہندوستان آئے اور شمالی 24 پرگنہ میں مستقل طور پر آباد ہوگئے۔ ایک دہائی سے زیادہ عرصہ رہنے کے باوجود انہیں باقاعدہ شہریت نہیں مل سکی۔ جس کی وجہ سے وہ ہمیشہ عدم تحفظ اور بے یقینی کی کیفیت میں رہتے تھے۔ سال 2019 میں پارلیمنٹ میں منظور شدہ شہریت ترمیمی قانون (سی اے اے ) نے ان کی زندگی میں نئی امیدیں جگائی ہیں۔ قانون کے نافذ ہونے کے بعد سے وہ شہریت کے لیے درخواست دینے کا منصوبہ بنا رہا تھا۔ آخر کار اپریل 2025 میں انہوں نے باضابطہ درخواست دی۔