تاثیر 5 ستمبر ۲۰۲۵:- ایس -ایم- حسن
اسلام آباد، 05 ستمبر: پاکستان کے صوبہ پنجاب میں مسلح ڈاکوؤں نے گاڑیوں پر حملہ کر کے 10 افراد کو اغوا کر لیا۔ یہ واقعہ بدھ کی رات گئے ضلع رحیم یار خان میں بھونگ شریف کے قریب M-5 موٹر وے پر پیش آیا۔ اس دوران ڈاکوؤں نے گزرنے والی گاڑیوں کو نشانہ بنایا۔ فائرنگ سے متعدد افراد زخمی بھی ہوئے۔
ایکسپریس ٹریبیون نے پولیس کے حوالے سے بتایا کہ مہلک ہتھیاروں سے لیس ڈاکوؤں کے ایک گروپ نے کاروں، دو بسوں، ٹرکوں اور ٹریلرز پر فائرنگ کی۔ فائرنگ سے خاتون اور بچے سمیت 4 افراد شدید زخمی ہوگئے۔ جنہیں رحیم یار خان کے شیخ زید ہسپتال میں داخل کرایا گیا۔ جس کے بعد سیکیورٹی فورسز نے موٹر وے پر ٹریفک کو عارضی طور پر روک دیا۔ پولیس نے تصدیق کی کہ ڈاکو 10 افراد کو اغوا کرکے اپنے ساتھ لے گئے۔ ان میں مسافر اور ٹرک ڈرائیور شامل ہیں۔