تاثیر 26 ستمبر ۲۰۲۵:- ایس -ایم- حسن
پٹنہ، 26 ستمبر:راشٹریہ جنتا دل (آر جے ڈی) کے قومی صدر لالو یادو کے بڑے بیٹے تیج پرتاپ یادو نے 2025 کے بہار اسمبلی انتخابات سے قبل ایک نئی پارٹی کا اعلان کیا ہے۔ انہوں نے اپنا انتخابی نشان بلیک بورڈ کے طور پر منتخب کیا ہے۔
جمعہ کے روز سیاست میں ایک بڑا قدم اٹھاتے ہوئے تیج پرتاپ یادو نے اپنی نئی پارٹی کا اعلان کیا۔ انہوں نے یہ معلومات اپنے فیس بک ہینڈل پر ایک پوسٹ کے ذریعے شیئر کرتے ہوئے خود کو پارٹی کا قومی صدر قرار دیا۔ اس اعلان نے سیاسی حلقوں میں ہلچل مچا دی ہے۔ تیج پرتاپ کی نئی پارٹی کا انتخابی نشان بلیک بورڈ پرنٹ ہوگا۔ تیج پرتاپ یادو نے ایک پوسٹر بھی جاری کیا ہے جس میں لالو یادو اور رابڑی دیوی کی تصویرغائب ہے۔
پوسٹر میں انہوں نے پارٹی کے قیام کا باضابطہ اعلان کرتے ہوئے کہا کہ تنظیم بہار کی مجموعی ترقی کے لیے پوری طرح وقف اور پرعزم ہے