پنشن کی بڑھی ہوئی رقم ملنے پر ارریہ کےپنشنرز میں خوشی کی لہر۔

ارریہ :- ( مشتاق احمد صدیقی ) عزت مآب وزیر اعلیٰ جناب نتیش کمار نے کل دس ستمبر کو 1 انے مارگ پر واقع ‘سنکلپ’ میں منعقدہ ایک پروگرام میں ڈی بی ٹی کے ذریعے ریاست کے 1 کروڑ 13 لاکھ سے زیادہ استفادہ کنندگان کے بینک کھاتوں میں سماجی تحفظ پنشن اسکیم کے تحت 1263.95 کروڑ روپے اگست کے مہینے کے لیے فی کس 1100 روپے سماجی تحفظ پنشن اسکیم کے استفادہ کنندگان کے کھاتوں میں منتقل کیے گئے، اس منتقلی پروگرام کو کلکٹریٹ ارریہ میں واقع پرمان آڈیٹوریم میں ویب کاسٹنگ کے ذریعے براہ راست نشر کیا گیا، جس میں کل 279 مستفیدین نے حصہ لیا اور پنشن کی بڑھتی ہوئی رقم ملنے پر پنشنروں میں خوشی کی لہر دیکھی گئی۔ نیز پنشنرز نے پنشن کی بڑھتی ہوئی رقم کو سراہا۔ اس موقع پرضلع مجسٹریٹ ارریہ شری انیل کمار نے پنشنروں کے ساتھ بات چیت کرتے ہوئے سب کو مبارکباد دی اور ان لوگوں سے درخواست کی جو اس اسکیم کا فائدہ نہیں لے رہے ہیں وہ جلد از جلد درخواست دیں اور فائدہ حاصل کریں۔انہوں نے کہا کہ جون کے مہینے سے ریاستی حکومت نے سماجی تحفظ پنشن کے تحت معمر افراد، معذور افراد اور بیوہ خواتین کے لئے ماہانہ پنشن کی چار سو رقم کو بڑھا کر گیارہ سو کر دیا ہے۔ انہوں نے کہا کہ سوشل سیکورٹی پنشن اسکیمیں معمر افراد، معذور افراد اور بیوہ خواتین کی سہولت کے لئے چلائی جا رہی ہیں۔ انہوں نے متعلقہ عہدیداروں کو ہدایت کی کہ وہ اس بات کا خاص خیال رکھیں کہ کوئی بھی اہل سماجی پنشنر محروم نہ رہے۔ اس موقع پر اسسٹنٹ ڈائریکٹر سوشل سیکورٹی سیل ارریہ، اسسٹنٹ ڈائریکٹر چائلڈ پروٹیکشن یونٹ ارریہ اور متعلقہ حکام کے ساتھ ضلع کے سوشل سیکورٹی پنشنرز کی بڑی تعداد موجود تھی۔