تاثیر 18 نومبر ۲۰۲۵:- ایس -ایم- حسن
پٹنہ، 18 نومبر، 2025: وزیر اعلیٰ جناب نتیش کمار نے آج گاندھی میدان پہنچ کر نئی حکومت کی حلف برداری تقریب کی تیاریوں کا معائنہ کیا۔نئی حکومت کی حلف برداری تقریب 20 نومبر کو ہونے والی ہے۔ معائنہ کے دوران وزیر اعلیٰ نے اسٹیج پر مہمانوں کے بیٹھنے کے انتظامات اور فراہم کی جانے والی دیگر سہولیات کے بارے میں افسران سے تفصیلی جانکاری حاصل کی۔ افسران نے حلف برداری تقریب میں خصوصی شخصیات ،نو منتخب ارکان اسمبلی ، سینئر لیڈران اور بڑی تعداد میں پہنچنے والے لوگوں کے بیٹھنے کا انتظام ، سیکورٹی اوردیگر مہیاکرائی جانے والی ضروری سہولتوں کے بارے میں بھی وزیر اعلیٰ نے معلومات حاصل کی ۔
اس موقع پر نائب وزیر اعلیٰ جناب سمراٹ چودھری، وزیر شری وجے کمار چودھری، وزیر جناب نتن نوین، وزیر جناب سنجے سراوگی، وزیر اعلیٰ کے پرنسپل سکریٹری مسٹر دیپک کمار، چیف سکریٹری مسٹر پرتیئے امرت، ڈی جی پی مسٹر ونے کمار، ایڈیشنل چیف سکریٹری داخلہ اور کابینہ سکریٹریٹ محکمہ کے سیکریٹری مسٹر اروند کمارچودھری، وزیر اعلیٰ کے سکریٹری مسٹر انوپم کمار،وزیر اعلیٰ کے سکریٹری مسٹرکمار روی، وزیر اعلیٰ کے سکریٹری ڈاکٹر چندر شیکھر سنگھ، وزیر اعلیٰ کے او ایس ڈی مسٹر گوپال سنگھ، محکمہ داخلہ کے سکریٹری مسٹر پرنو کمار، کمشنر پٹنہ ڈویژن مسٹر انیمیش پراسر، پٹنہ رینج کے انسپکٹر جنرل آف پولیس مسٹر جتیندر رانا، ڈی ایم ڈاکٹر تیاگراجن ایس ایم،ایس ایس پی مسٹر کارتیکیے کے شرما سمیت دیگر سینئر افسران موجود تھے۔