تاثیر 26 نومبر ۲۰۲۵:- ایس -ایم- حسن
سرینگر، 26 نومبر: ضلع پولیس گاندربل نے آج یوم آئین 2025 کو پورے جوش و خروش اور ہندوستانی آئین کے رہنما اصولوں کو برقرار رکھنے کے تجدید کے عہد کے ساتھ منایا۔ یادگاری تقریب کا انعقاد ضلع کے تمام پولیس اداروں میں کیا گیا، جس میں آئینی فرائض اور جمہوری اقدار کے لیے فورس کی لگن کا اعادہ کیا گیا۔ مرکزی تقریب ضلع پولیس دفتر (ڈی پی او) گاندربل میں منعقد ہوئی جہاں ایس ایس پی گاندربل خلیل احمد پوسوال نے ضلع کے دیگر سینئر پولیس افسران کے ہمراہ افسران اور اہلکاروں کو آئینی حلف دلایا۔
اجتماع سے خطاب کرتے ہوئےایس ایس پی نے آئینی اخلاقیات کی پاسداری کی اہمیت پر زور دیا اور تمام اہلکاروں پر زور دیا کہ وہ پولیسنگ کے ہر شعبے میں انصاف، مساوات اور دیانت کو برقرار رکھیں۔ انہوں نے افسران پر زور دیا کہ وہ اس بات کو یقینی بنائیں کہ عوامی خدمت کی فراہمی کے دوران آئین کے مینڈیٹ پر مکمل عملدرآمد کیا جائے۔