تاثیر 16 نومبر ۲۰۲۵:- ایس -ایم- حسن
مرادآباد، 16 نومبر:گرو جمبیشور یونیورسٹی، مراد آباد کے انٹر کالج کرکٹ ٹورنامنٹ 2025-26 کے دو سیمی فائنل میچ اتوار کو کھیلے گئے۔ ہندو کالج مرادآباد نے وردھمان کالج بجنور کو شکست دے کر فائنل میں جگہ بنائی جبکہ جے ایس ایچ کالج امروہہ نے کے جی کے کالج مرادآباد کو شکست دے کر فائنل میں جگہ بنائی۔ فائنل میچ ہندو کالج اور جے ایس ایچ کالج امروہہ کے درمیان 17 نومبر کو کھیلا جائے گا۔
کے جی کے کالج گراؤنڈ میں ٹاس جیت کر جے ایس ایچ کالج امروہہ نے پہلے باؤلنگ کا فیصلہ کیا۔ کے جی کے کالج نے پہلے بیٹنگ کرتے ہوئے مقررہ 20 اوورز میں 158 رنز بنائے۔ سارتھک چودھری نے شاندار اننگز کھیلتے ہوئے 55 گیندوں پر سب سے زیادہ 91 رنز بنائے۔ ہدف کے تعاقب میں جے ایس ایچ کالج امروہہ ایچ کالج امروہہ نے ہدف صرف 18 اوورز میں حاصل کرتے ہوئے 5 وکٹوں سے جیت کر فائنل میں داخلہ حاصل کر لیا۔