اگر ہماری حکومت بنتی ہے تو ہم سیمانچل ڈیولپمنٹ اتھارٹی بنائیں گے: تیجسوی یادو

ٹھاکر گنج (محیط حسن رضا)راشٹریہ جنتا دل کے لیڈر تیجسوی یادو نے ٹھاکر گنج کے ایم ایچ آزاد کالج گراؤنڈ میں مهاگٹھبندھن کے امیدوار سعود عالم کے حق میں ایک انتخابی ریلی سے خطاب کیا۔ اس دوران انہوں نے کہا کہ یہ الیکشن بہت اہم الیکشن ہے، اگر ہماری حکومت بنی تو ہم وہ ترقی کریں گے جو بیس سال میں نہیں ہوئی بیس مہینوں میں۔ انہوں نے کہا کہ وزیر داخلہ امت شاہ نے واضح کر دیا ہے کہ اب ایم ایل اے بی جے پی یا این ڈی اے کے وزیر اعلیٰ کا انتخاب کریں گے، اس لیے نتیش کمار اب بہار کے وزیر اعلیٰ نہیں بنیں گے۔ بہار کی این ڈی اے حکومت کو وزیر اعظم نریندر مودی اور وزیر داخلہ امیت شاہ دہلی میں بیٹھ کر چلا رہے ہیں۔ انہوں نے مزید کہا کہ سیمانچل خطہ میں غربت اور نقل مکانی بہت زیادہ ہے، یہاں تعلیم اور صحت کا نظام مکمل طور پر تباہی کا شکار ہے۔ اگر ہم اقتدار میں آئے تو ہم سیمانچل ڈیولپمنٹ اتھارٹی بنائیں گے۔ انہوں نے مزید کہا کہ اس وقت تھانے اور بلاک میں رشوت کے بغیر کوئی کام نہیں ہوتا اور ہر کام میں کمیشن کھوری ہے۔ ہم 17 ماہ حکومت میں رہے اور پانچ لاکھ لوگوں کو نوکریاں دینے کا کام کیا۔  اگر ہماری حکومت بنتی ہے تو ہم بیس دن کے اندر ان خاندانوں کے ایک فرد کو سرکاری نوکری دینے کا قانون بنائیں گے جن کے پاس نوکری نہیں ہے۔ انہوں نے وزیر اعظم نریندر مودی پر زبانی حملہ کرتے ہوئے کہا کہ وزیر اعظم گجرات میں فیکٹری لگائیں گے اور وہ بہار میں ووٹ چاہتے ہیں، وہ جھوٹ کے کارخانہ دار ہیں۔ آخر میں انہوں نے اپنے امیدوار سعود عالم کو فتح کا ہار پہنا کر اپنی تقریر کا اختتام کیا۔