تاثیر 19 نومبر ۲۰۲۵:- ایس -ایم- حسن
نئی دہلی، 19 نومبر: صدرجمہوریہ دروپدی مرمو نے کہا کہ نیشنل انسٹی ٹیوٹ آف ٹیکنالوجی (این آئی ٹی) جیسے اعلی تکنیکی تعلیمی ادارے ملک میں ماڈل ڈیجیٹل گاؤں کی تعمیر میں اہم کردار ادا کر سکتے ہیں۔ یہ ادارے دیہی علاقوں میں ٹیکنالوجی تک رسائی کو یقینی بنانے، لوگوں کو ڈیجیٹل مہارتیں سکھانے، اور صنعت کے ساتھ مل کر، دیہاتوں میں بہتر سہولیات کی ترقی کو تیز کرنے کے لیے آسان تکنیکی حل تیار کر سکتے ہیں۔صدر بدھ کو این آئی ٹی دہلی کے پانچویں کانووکیشن سے خطاب کر رہے تھے۔ انہوں نے کہا کہ ڈیجیٹل انڈیا مہم نے ٹکنالوجی کو ملک کے ہر شہری کے لیے قابل رسائی بنایا ہے اور بے شمار مواقع کے نئے دروازے کھولے ہیں۔ انہوں نے کہا کہ حکومت تیز رفتار انٹرنیٹ، ڈیجیٹل خدمات اور جدید تکنیکی سہولیات کو دیہی علاقوں تک پھیلانے کے لیے مسلسل کوشاں ہے، تاکہ ہر شہری کو یکساں مواقع میسر آسکیں۔
صدر مرمو نے این آئی ٹی دہلی کی کامیابیوں کی تعریف کرتے ہوئے کہا کہ اس ادارے نے بہت کم وقت میں قومی سطح پر اپنی منفرد شناخت قائم کی ہے۔ انہوں نے کہا کہ این آئی ٹی دہلی جدید انفراسٹرکچر، تعلیمی برتری، کثیر الضابطہ تعلیم، اور تحقیق کو فروغ دینے میں نمایاں کامیابی حاصل کر رہی ہے۔