تاثیر 15 نومبر ۲۰۲۵:- ایس -ایم- حسن
پٹنہ، 15 نومبر: لالو پرساد یادو کے بڑے بیٹے تیج پرتاپ یادو نے اپنی شکست کے بارے میں سوشل میڈیا پر پوسٹ کرتے ہوئے کہا کہ وہ ہارے ہیں، لیکن عوام کی جیت اسی میں ہے۔ مینڈیٹ کو قبول کرتے ہوئے انہوں نے کہا، “میرے پاس عوام کا پیار، بھروسہ اور آشیرواد ہے، لیکن سچ کڑوا ہے۔ جے چندوں نے آر جے ڈی کو اندر سے کھوکھلا کر دیا، اسے برباد کر دیا، یہی وجہ ہے کہ تیجسوی آج ناکام ہو گئے ہیں۔”
تیج پرتاپ نے مزید لکھا کہ بہار نے واضح پیغام دیا ہے کہ سیاست اب اقربا پروری کی نہیں بلکہ اچھی حکمرانی اور تعلیم پر ہوگی۔ یہ جے چندوں کے لیے شرمناک ہار ہے۔ تیج پرتاپ نے کہا، “بہار نے گڈ گورننس والی حکومت کا انتخاب کیا ہے – ہم اس کا احترام کرتے ہیں اور عوام کے مفاد میں ہر قدم پر تعمیری کردار ادا کریں گے۔ یہ جیت ہمارے نامور وزیر اعظم اور دنیا کے سب سے مضبوط رہنما نریندر مودی کی شخصیت اور جادوئی قیادت کا ثبوت ہے۔ عوام نے اچھی حکمرانی کے لئے وزیر اعلیٰ نتیش کمار کو دل سے قبول کیا ہے۔”