تاثیر 22 نومبر ۲۰۲۵:- ایس -ایم- حسن
ممبئی،اداکارہ شردھا کپور اپنی آنے والی فلم ’ایتھا‘ کی شوٹنگ کے دوران زخمی ہوگئیں۔ رپورٹس سے پتہ چلتا ہے کہ وہ ناسک میں ایک ڈانس سیکونس پرفارم کرتے ہوئے اپنا توازن کھو بیٹھی تھی جس کے نتیجے میں ان کے بائیں پاؤں کی انگلی میں فریکچر ہو گیا تھا۔ چوٹ کے بعد فلم کی شوٹنگ روک دی گئی ہے اور شردھا کو آرام کا مشورہ دیا گیا ہے۔
رپورٹس کے مطابق، شردھا نے فلم میں معروف لاوانی آرٹسٹ وتھا بائی نارائن گاونکر کا کردار ادا کیا ہے اور شوٹنگ کے دوران وہ اسی روایتی لاوانی انداز میں پرفارم کر رہی تھیں۔ ایک تیز قدم کے دوران، انہوں نے نادانستہ طور پر اپنا سارا وزن اپنے بائیں پاؤں پر ڈال دیا، جس کے نتیجے میں پیر کی انگلی ٹوٹ گئی۔ سین کے دوران، شردھا نے نواری ساڑھی، بھاری زیورات، اور کمر کا بیلٹ پہنا تھا۔ کردار کی جلد میں مکمل طور پر حاصل کرنے کے لئے، انہوںنے تقریبا 15 کلو وزن بڑھایاہے۔