تاثیر 9 دسمبر ۲۰۲۵:- ایس -ایم- حسن
گیاجی،9دسمبر: بہار کے گیا جی ضلع کے رام پور تھانہ میں تعینات اسسٹنٹ سب انسپکٹر (اے ایس آئی) امریندر کمار یادو نے پیر کے روز سلفا س کی گولیاں کھا کر خودکشی کرلی۔ اس واقعے نے پورے پولیس ڈیپارٹمنٹ میں ہلچل مچا دی ہے۔رام پور تھانہ انچارج دنیش بہادر سنگھ کے مطابق اے ایس آئی امریندر کمار یادو ڈیوٹی پر تھے جب ان کی حالت اچانک بگڑ گئی۔ جب ساتھی پولیس افسران نے پوچھ گچھ کی تو پتہ چلا کہ اس نے سلفا س کھا لی ہے۔ اسے مگدھ میڈیکل کالج اسپتال لے جایا گیا، لیکن علاج کے دوران اس کی موت ہوگئی۔
متوفی اے ایس آئی امریندر کمار یادو پورنیہ ضلع کے برہارا کوٹھی تھانہ علاقے کے تحت اولہا گاو?ں کے رہنے والے تھے۔ انہوں نے ڈاکٹروں کو مطلع کیا تھا کہ اس نے اسپتال میں داخل ہوتے وقت سلفا س کھا لی تھی۔پولیس کے ابتدائی اندازوں سے معلوم ہوتا ہے کہ واقعہ کی وجہ گھریلو جھگڑا ہو سکتا ہے لیکن ابھی تک کوئی ٹھوس وجہ سامنے نہیں آئی ہے۔