تاثیر 1 دسمبر ۲۰۲۵:- ایس -ایم- حسن
پٹنہ، یکم دسمبر :بہار انسٹی ٹیوٹ آف پبلک ایڈمنسٹریشن اینڈ رورل ڈیولپمنٹ (بی پی اے آر ڈی) اور انڈین ریلوے فائنانس کارپوریشن (آئی آر ایف سی) نے پیر کے روزایک اہم شراکت داری کا آغاز کیا۔ پرانے سکریٹریٹ میں منعقدہ ایک تقریب میں دونوں اداروں کے درمیان ایک معاہدہ نامہ دستخط کیے گئے، جس کے تحت آئی آر ایف سی اپنے سی ایس آر فنڈ کے ذریعے 10 کروڑ فراہم کرے گا۔ اس تعاون کا مقصد بہار کے پسماندہ نوجوانوں کو روزگار پر مبنی، عالمی معیار کی مہارت کی تربیت فراہم کرنا ہے۔اس پہل کے تحت نوجوانوں کو بین الاقوامی سطح پر تسلیم شدہ کورسز جیسے سی سی این اے ، سی اےے پی ، ای آر پی نیٹ ورکنگ کے ساتھ ساتھ غیر ملکی زبان اور مواصلات کی مہارتوں کی تربیت دی جائے گی، جس سے وہ نہ صرف ہندوستان بلکہ بیرون ملک بھی روزگار کے مواقع حاصل کر سکیں گے۔ بی پی اے آر ڈی اسکل پارک چھ صنعت پر مبنی کورسز کے ساتھ قائم کیا گیا تھا: ایس اے پی سرٹیفیکیشن، سی سی این اے نیٹ ورکنگ، Geriatric Caregiver، فیشن ڈیزائن، شیف، اور بیکنگ ٹیکنیشن۔ اسکل پارک نے 14 اپریل 2025 کو ان پروگراموں کے آغاز کے بعد سے اہم پیش رفت کی ہے۔
یکم مئی کواسکل پارک کی تعلیمی عمارت کا افتتاح کیا گیا، اس کے فوراً بعد ایک قومی اسکل میٹ کا انعقاد کیا گیا، جس میں نیتی آیوگ کے سی ای او بی وی آر سمیت ملک بھر سے صنعت کے ماہرین نے شرکت کی۔