تاثیر 3 دسمبر ۲۰۲۵:- ایس -ایم- حسن
وارانسی، 3 دسمبر:وارانسی، اترپردیش میں بنارس ہندو یونیورسٹی (بی ایچ یو) میں رات گئے تشدد، توڑ پھوڑ اور پتھراؤ کے بعد بدھ کے روز ایک تناؤ کا ماحول رہا۔ بی ایچ یو کے سیکورٹی اہلکاروں اور پولیس افسران نے پولیس کے ساتھ آدھی رات سے ہی کیمپس میں گشت جاری رکھا۔ صورتحال کو قابو میں کرنے کے لیے پی اے سی کے اہلکاروں نے ہنگامہ آرائی کرنے والے طلبہ کا پیچھا کرتے ہوئے ہاسٹل تک پہنچا دیا۔ اے سی پی بھیلو پور گورو کمار کے مطابق کل دیر رات حالات کو قابو میں لایا گیا۔ بی ایچ یو سیکورٹی افسران کی شکایت کی بنیاد پر مزید کارروائی کی جائے گی۔ جائے وقوعہ پر پولیس فورس تعینات کر دی گئی ہے۔
اطلاعات کے مطابق بی ایچ یو کیمپس کے راجا رام ہاسٹل کے قریب ایک گاڑی نے پیدل چل رہی ایک طالبہ کو ٹکر مار دی۔ شکایت لے کر پراکٹر بورڈ کے دفتر جانے والے طلباء کی وہاں تعینات سیکورٹی گارڈ کے ساتھ زبردست جھگڑا ہو گیا۔ اس سے ناراض طلباء کے ایک گروپ نے وائس چانسلر کی رہائش گاہ کے قریب ایل ڈی چوراہے پر پتھراؤ اور توڑ پھوڑ شروع کردی۔ یہ دیکھ کر بی ایچ یو کے سیکورٹی اہلکاروں نے انہیں منتشر کرنے کی کوشش کی لیکن ہاسٹل کے مزید طلباء بھی وہاں پہنچ گئے اور پتھراؤ شروع کر دیا۔