نان پور بلاک ڈیولپمنٹ آفیسر عابد حسین کے انتقال پر تعزیتی اجلاس ہوا منعقد

سیتامڑھی (مظفر عالم)

 ضلع کے نان پور بلاک ڈیولپمنٹ آفیسر عابد حسین کا جمعہ کے روز  اچانک دل کا دورہ پڑنے سے انتقال کر گئے۔ اس افسوسناک خبر پر پوری ضلع انتظامیہ سوگوار ہے۔ ضلع مجسٹریٹ رچی پانڈے کی صدارت میں ہفتہ کو کلکٹریٹ کے احاطے میں ایک تعزیتی اجلاس منعقد ہوا۔ تمام افسران اور عملے نے مرحوم کی روح کو خراج عقیدت پیش کرنے کے لیے دو منٹ کی خاموشی اختیار کی۔

ڈسٹرکٹ مجسٹریٹ رچی پانڈے نے کہا، “عابد حسین ایک مستعد منتظم، ایک سرشار افسر، اور انتہائی سادہ اور حساس شخصیت کے  مالک تھے۔ ان کا اچانک انتقال ہمارے لیے ذاتی اور انتظامی طور پر ایک ناقابل تلافی نقصان ہے۔”

انہوں نے اللہ تعالیٰ سے ان کی روح کے سکون کے لیے دعا کی اور غمزدہ خاندان کے لیے اس مشکل وقت میں صبر و استقامت کی دعا کی۔

تعزیتی اجلاس میں ڈی ڈی سی، ڈی پی آر او کمال سنگھ، مدرسہ کے استاد محمد اجمل، محمد نسیم احمد، محمد تبریز، محمد مظہر علی راجہ، اور صحافی محمد ارمان علی سمیت عہدیداروں اور کارکنوں کی بڑی تعداد موجود تھی۔