تاثیر 6 دسمبر ۲۰۲۵:- ایس -ایم- حسن
نئی دہلی، 6 دسمبر:باہری ضلع کے منڈکا تھانہ علاقہ کے ٹکری کلاں میں جمعہ کی صبح لیکھ رام پارک کے قریب اسکول والی گلی میں واقع ایک چھوٹی کرانہ اسٹور میں اچانک آگ لگنے سے ایک جوڑے کی المناک موت ہوگئی۔دونوں اندر ہی پھنس گئے تھے اور دھوئیں کے درمیان نکلنے کا راستہ نہ ملنے کے سبب ان کی سانسیں تھم گئیں۔
آؤٹر ڈسٹرکٹ کے ڈپٹی کمشنر آف پولیس سچن شرما نے ہفتہ کو بتایا کہ دکان کو ونیت (31) اور اس کی بیوی رینو (29) چلاتے تھے۔ دکان کے کاؤنٹر کے قریب لٹکتے پلاسٹک کے پیکجوں میں مشتبہ شارٹ سرکٹ کے باعث آگ لگی۔ چند ہی لمحوں میں آگ کے شعلے اور دھوئیں نے دکان کے اگلے حصے کو اپنی لپیٹ میں لے لیا۔ بتایا جاتا ہے کہ آگ سے خوفزدہ جوڑے نے دھوئیں سے بچنے کے لیے شٹر نیچے کر دیا۔ تاہم، وہ شٹر کے نیچے پھنس گئے اور فرار ہونے میں ناکام رہے۔ دھواں تیزی سے اندر سے بھر گیا، جس سے وہ بے ہوش ہو گئے۔