گڈ گورننس کانفرنس کے طور پر منا سابق پی ایم اٹل بہاری کا یوم پیدائش

چھپرہ(نقیب احمد)

بھارتیہ جنتا پارٹی نے سابق وزیر اعظم بھارت رتن اٹل بہاری واجپئی کے یوم پیدائش کو گڈ گورننس کانفرنس کے طور پر منعقد کیا۔ضلع صدر رنجیت کمار سنگھ کی صدارت میں پارٹی کے ضلع ہیڈکوارٹر پر سابق وزیر اعظم کی آئل پینٹنگ پر ہار پہنا کر اور چراغاں کرکے خراج عقیدت پیش کیا گیا۔اس موقع پر مہمان خصوصی کے طور پر خطاب کرتے ہوئے ایم ایل اے چھوٹی کماری نے کہا کہ اٹل بہاری واجپئی کی پوری زندگی قومی خدمت،جمہوری اقدار اور اچھی حکمرانی کے لیے غیر متزلزل عزم کی علامت تھی۔سابق ایم ایل اے ڈاکٹر سی این گپتا نے کہا کہ اٹل بہاری صرف ایک سیاست دان ہی نہیں بلکہ ایک حساس شاعر،بصیرت افروز مفکر اور عوامی فلاح و بہبود کو ترجیح دینے والے وزیر اعظم بھی تھے۔ضلع صدر مسٹر سنگھ نے کہا کہ اٹل بہاری واجپئی کی قیادت میں ملک نے گڈ گورننس،شفافیت اور ترقی کی ایک نئی سمت حاصل کی۔انتیودیا کے جذبے کے ساتھ سماج کے آخری فرد تک ترقی پہنچانے کا ان کا وژن آج بھی ہماری گورننس پالیسی کی بنیاد بنا ہوا ہے۔سابق ضلع صدر اشوک کمار سنگھ نے سبھی سے اپیل کی کہ وہ اٹل بہاری کے نظریات کو اپنی زندگی اور کاموں میں اپنائیں اور ملک اور ریاست کی جامع ترقی میں حصہ لیں۔سابق پرنسپل ارون کمار سنگھ نے کہا کہ بی جے پی مخلوط حکومت ملک میں جہاں کہیں بھی ہے عوامی فلاحی اسکیموں پر مسلسل کام کر رہی ہے۔اس موقع پر ڈاکٹر دھرمیندر کمار سنگھ،پبلک پراسیکیوٹر سروجیت اوجھا،جنرل سکریٹری دھرمیندر شاہ،وویک کمار سنگھ،چیف ترجمان پرکاش رنجن نکو،بلونت سنگھ،ستیانند سنگھ،اردھیندو شیکھر،کرشنا رام،راجیو سنگھ،سنیتا کماری،ابھے سنگھ،منوج سنگھ،جیتو کمار،اکھل کمار،دیپ کمار،راجکمار سنگھ،راجن سنگھ،راجیو سنگھ،اکھل کمار چندو،شانتنو کمار،دھننجے یادو،ونود سنگھ وغیرہ موجود تھے۔پروگرام کی نظامت جنرل سکریٹری وویک کمار سنگھ نے اور شکریہ راجیو سنگھ نے ادا کیا۔