تاثیر 1 دسمبر ۲۰۲۵:- ایس -ایم- حسن
لکھنؤ، یکم دسمبر :دہلی کے لال قلعہ کے قریب 10 نومبر کو ہوئے کار بم دھماکہ کیس کی تحقیقات کرنے والی قومی جانچ ایجنسی (این آئی اے) کی ٹیم نے پیر کو ڈاکٹر شاہین کی لکھنؤ کی رہائش گاہ پر چھاپہ مارا۔ ڈاکٹر شاہین دہشت گردانہ سرگرمیوں میں ملوث ہونے کے الزام میں فرید آباد میں این آئی اے کی حراست میں ہیں۔ وہ دہلی بم دھماکے میں بھی ملزم ہے۔ این آئی اے نے لکھنؤ اور وادی کشمیر میں کئی دیگر مقامات پر چھاپے مارے ہیں۔
یوپی پولیس کے ایک اہلکار نے بتایا کہ این آئی اے کی ٹیم پیر کی صبح ڈاکٹر شاہین کے گھر پہنچی۔ ٹیم کے ساتھ یوپی اے ٹی ایس اور مقامی پولیس بھی تھی۔ تلاشی کے دوران ٹیم نے شاہین کے والد سعید انصاری اور بڑے بھائی شعیب سے اچھی طرح پوچھ گچھ کی۔ تلاشی کے دوران این آئی اے نے مبینہ طور پر اہم دستاویزات اور الیکٹرانک آلات برآمد کئے۔