تاثیر 16 دسمبر ۲۰۲۵:- ایس -ایم- حسن
ریلائنس 5روپے والے نوڈلز، 1 روپے والے کیچپ، اور22 روپےسے شروع ہونے والے جیم کو بازار میں اتارے گا* سستی قیمتوں پر عالمی معیار کا وعدہ
ریلائنس کا فوڈ پورٹ فولیو کو نوڈلز، جیمز، کیچپس اور چٹنیوں کے ساتھ مضبوط ہوا
بنگلورو، 16 دسمبر 2025 ۔یہ خبر کھانے کے شوقین افراد کے لیے کسی دعوت سے کم نہیں۔ ریلائنس انڈسٹریز کی ایف ایم سی جی ریلائنس کنزیومر پروڈکٹس لمیٹڈ (RCPL) نے 75 سالہ مشہور فوڈ برانڈ SIL کو ایک نئے اوتار میں دوبارہ لانچ کیا ہے۔ اس کے ساتھ، ریلائنس نے پیکڈ فوڈ سیگمنٹ میں مضبوطی سے اپنے قدم جما لیے ہیں۔ کمپنی نے SIL کو اپنا فلیگ شپ فوڈ برانڈ بنایا ہے۔ایک پریس ریلیز کے مطابق، SIL نوڈلز کی ایک نئی رینج شروع کر رہا ہے۔ 5روپے سے شروع ہونے والی، رینج میں چار قسمیں ہوں گی: مسالہ، سبزیوں کے ساتھآٹا، کورین کے فائر اور چاؤ چاؤ جیسے چار ویرینٹ دستیاب ہونگے۔ وہیںاصلی ٹماٹروں سے بنا SIL کیچپ، بغیر کسی مصنوعی رنگ یا مصنوعی اجزاء کے پیش کیا جائے گا، جس کی قیمت 1 روپے سے شروع ہوتی ہے۔ مزید برآں، آٹھ پھلوں سے بنا SIL مکسڈ فروٹ جیم 100 گرام، 200 گرام اور 500 گرام کے پیک میں دستیاب ہوگا، جس کی قیمت 22 روپے سے شروع ہوتی ہے۔ کمپنی کا دعویٰ ہے کہ اس میں پھلوں کی مقدار 22 فیصد زیادہ ہوگی۔ ریلائنس کنزیومر پروڈکٹس لمیٹڈ کےایگزیکٹو ڈائریکٹر کیتن مودی نے کہا، SIL کا دوبارہ آغاز RCPL کے ترقی کے سفر میں ایک اہم سنگ میل کی نشاندہی کرتا ہے۔ SIL کے ذریعے، ہمارا مقصد ہے کہ پیکڈ فوڈ سیگمنٹ میں ایک مضبوط، گھریلو دوستانہ فوڈ پورٹ فولیو بنایا جائے۔ SIL ایک ایسا امتزاج ہے جو ہندوستانی وراثت، اعلیٰ اقدار، خوراک اور اعلی معیار کی پیشکش کرے گا۔مجموعی طور پر، SIL کی واپسی مستند ذائقوں، جدید معیار اور سستی قیمتوں کے خواہاں صارفین کے لیے ایک خوش آئند اضافہ ہے۔ 75 سالہ وراثت کے ساتھ، SIL ایک بار پھر ہندوستانی کچن میں اپنی مضبوط موجودگی قائم کرنے کے لیے تیار ہے۔