تاثیر 23 دسمبر ۲۰۲۵:- ایس -ایم- حسن
ممبئی،23 دسمبر:بالی ووڈ اداکار شاہد کپور کی آخری فلم ’دیوا‘ نے شائقین پر زیادہ اثر نہیں کیا، لیکن اب وہ وشال بھاردواج کے ساتھ ایک مضبوط واپسی کی تیاری کر رہے ہیں۔ شائقین ان کی نئی فلم ’’او رومیو‘‘ کو لے کر پرجوش ہیں۔ فلم اس وقت شوٹنگ کے مرحلے میں ہے اور اہم بات یہ ہے کہ نئے سال کی تقریبات کے باوجود شاہد نے فلم کی شوٹنگ سے وقفہ نہ لینے کا فیصلہ کیا ہے۔
شاہد ایکشن سیکونس کی شوٹنگ میں مصروف ہوں گے۔ رپورٹ کے مطابق ‘ او رومیو کی شوٹنگ کا آخری مرحلہ 28 دسمبر سے شروع ہو گا، خیال کیا جا رہا ہے کہ شوٹنگ نئے سال پر بھی جاری رہے گی، کیونکہ پروڈیوسر ممبئی میں تقریباً 10 دن کے پیچ شوٹ کی منصوبہ بندی کر رہے ہیں۔ اس دوران فلم کے اہم ایکشن سیکونسز کی شوٹنگ کی جائے گی۔ ذرائع کے مطابق، “شوٹنگ بٹس اور ٹکڑوں میں کی جا رہی ہے، جس میں کچھ ہائی آکٹین ایکشن اور ڈائیلاگ پر مبنی مناظر شامل ہیں۔”