تاثیر 22 دسمبر ۲۰۲۵:- ایس -ایم- حسن
لکھنؤ، 22 دسمبر: اترپردیش اسمبلی کے سرمائی اجلاس کے دوسرے دن سماج وادی پارٹی کے ارکان نے کارروائی شروع ہوتے ہی ایوان میں خوب ہنگامہ آرائی کی۔ انہوں نے ایوان سے واک آؤٹ کرکے احتجاج کیا اور ودھان بھون احاطے میں بھی احتجاج کیا۔ پیر کی صبح گیارہ بجے اسمبلی کی کارروائی شروع ہوئی۔ اپوزیشن لیڈر ماتا پرساد پانڈے نے کوڈین کھانسی کیسیرپ کا مسئلہ اٹھایا۔ معاملہ اٹھاتے ہی ایس پی ارکان نے ہنگامہ آرائی کرتے ہوئے خوب دھاوا بول دیا۔ بعد ازاں اسپیکر کی یقین دہانی پر وہ اپنی نشستوں پر واپس چلے گئے۔ اس کے بعد ایس پی ارکان نے ودھان بھون احاطے میں چودھری چرن سنگھ کے مجسمے کے سامنے احتجاج کیا۔ کوڈین کھانسی کے سیرپ اور دیگر مسائل پر ایس پی ارکان نے نعرے لگائے اور حکومت پر حملہ کیا۔ پارلیمانی امور کے وزیر سریش کھنہ نے کہا کہ اپوزیشن عوام کو گمراہ کر رہی ہے۔ اتر پردیش میں کوڈین کھانسی کے شربت سے ایک بھی موت نہیں ہوئی ہے۔