شارٹ سرکٹ کے باعث گھر میں آگ لگی، چیزیں جل کر راکھ

تاثیر 1 فروری ۲۰۲۶:- ایس -ایم- حسن

مشرقی سنگھ بھوم، 31 جنوری : مینگو تھانہ علاقہ کے تحت دائیگٹو کے کاویری روڈ پر واقع ایک مکان میں ہفتہ کو اچانک آگ لگ گئی۔ ابتدائی طور پر آگ لگنے کی وجہ شارٹ سرکٹ بتائی جا رہی ہے۔ ارمیلا دیوی کے گھر میں لگی آگ تیزی سے پھیل گئی اور پورے گھر کو لپیٹ میں لے لیا۔ اٹھنے والے شعلے دور سے دکھائی دے رہے تھے۔
واقعہ کے وقت گھر میں کوئی موجود نہیں تھا جس سے بڑا سانحہ ٹل گیا۔ مقامی لوگوں نے دھواں اور آگ کے شعلے دیکھ کر فوری طور پر آس پاس کے لوگوں کو آگاہ کیا اور فائر بریگیڈ کو فون کیا۔ فائر بریگیڈ کے پہنچنے تک آگ بڑھ چکی تھی۔ گھر بند ہونے کی وجہ سے فائر فائٹرز دروازے کا تالا توڑ کر قریبی مکینوں کی موجودگی میں گھر میں داخل ہوئے اور آگ بجھانے لگے۔ کافی کوششوں کے بعد تقریباً چار گھنٹے میں آگ پر مکمل طور پر قابو پالیا گیا۔مالک مکان ارمیلا دیوی اس وقت جائے وقوعہ پر پہنچی جب آگ بجھائی جارہی تھی۔ اپنے گھر کو جلتا دیکھ کر وہ رو پڑی۔ اس نے بتایا کہ گھر کی ہر چیز راکھ ہو چکی ہے۔ یہاں تک کہ راشن، نقدی، کپڑے، فرنیچر، لحاف، گدے یا بستر بھی نہیں بچا۔