انڈسٹری ٹاک ایز آف ڈوئنگ بزنس تحت ایک اسٹارٹ اپ مکالمہ پروگرام کا ہوا انعقاد

           سہسرام ( انجم ایڈووکیٹ ) آج مورخہ 22 جنوری 2026 کو ضلع کلکٹر روہتاس مسز ادیتا سنگھ کے دفتر چیمبر میں انڈسٹری ٹاکس اور کاروبار کرنے میں آسانی کے تحت ایک اسٹارٹ اپ مکالمہ پروگرام کا انعقاد کیا گیا ۔ ضلع کلکٹر روہتاس نے ہی اسکی صدارت بھی کی ۔ میٹنگ میں ڈپٹی ڈیولپمنٹ کمشنر روہتاس وجئے کمار پانڈے، جنرل منیجر اور پروجیکٹ منیجر ڈسٹرکٹ انڈسٹریز سینٹر، ڈسٹرکٹ بینک کوآرڈینیٹر اسٹیٹ بینک آف انڈیا، بینک آف انڈیا، بہار گرامین بینک، کینرا بینک روہتاس اور اسٹارٹ اپ سیل کوآرڈینیٹر جناب نتیش کمار دوبے موجود تھے ۔ ضلع کلکٹر نے تمام اسٹارٹ اپ بانیوں سے ان کے تعارف، طریقہ کار، موجودہ صورتحال اور مستقبل کے منصوبوں کے بارے میں تفصیل سے انٹرویو کیا ۔ ضلع کلکٹر نے ان کے مسائل کو سنجیدگی سے سنا اور ان کے حل کے لئے ضروری رہنمائی فراہم کی ۔ ضلع کلکٹر نے جدت پر مبنی کاروباری اداروں کی حوصلہ افزائی اور مقامی سطح پر روزگار کے مواقع کو فروغ دینے کے عزم کا اظہار کیا ۔ انھوں نے بتایا کہ بہار اسٹارٹ اپ پالیسی کے تحت حکومت اب 25 لاکھ روپئے تک کی امداد فراہم کرنے کے لئے کارروائی کر رہی ہے ۔ پروگرام میں تمام اسٹارٹ اپ بانی ضلع صنعتی مرکز کی حاضری ہوئی اور جنرل منیجر سے مختلف سرکاری اسکیموں کے بارے میں تفصیلی معلومات حاصل کی گئی ۔ اس موقع پر اسٹارٹ اپ کے بانی دھرمیندر کمار، سمیت کمار، راکیش کمار، لوک رنجن، آدتیہ کمار اور منوج راج موجود تھے ۔