ضلع مجسٹریٹ نے سنے عوامی مسائل فوری حل کے لیے سخت ہدایت جاری

سیتامڑھی( مظفر عالم)

سیتامڑھی کے ضلع مجسٹریٹ  رِچی پانڈے نے منگل کے روز اپنے دفتر میں منعقدہ عوامی سماعت کے دوران عام شہریوں سے براہِ راست ملاقات کر کے ان کے مسائل، مطالبات اور تجاویز کو سنجیدگی سے سنا۔ عوامی سماعت میں مختلف علاقوں سے آئے ہوئے لوگوں نے اپنی انفرادی اور اجتماعی مشکلات سے ضلع مجسٹریٹ کو آگاہ کیا۔ ہر معاملے کی باریکی سے جانچ کرتے ہوئے ضلع مجسٹریٹ نے متعلقہ محکموں کے افسران کو واضح اور سخت ہدایات دیں کہ عوامی مفاد سے جڑے معاملات میں کسی بھی قسم کی لاپرواہی یا تاخیر ناقابلِ قبول ہوگی۔ انہوں نے شکایات کے فوری، مؤثر اور مقررہ وقت میں حل کو یقینی بنانے کا حکم دیا۔ ضلع مجسٹریٹ نے کہا کہ عوام کو فراہم کی جانے والی خدمات میں شفافیت، جوابدہی اور حساسیت کو اولین ترجیح دی جانی چاہیے۔ ضلع انتظامیہ عوامی مسائل کے مثبت اور عملی حل کے لیے پوری طرح پرعزم ہے اور ہر شکایت پر سنجیدگی سے کارروائی کی جائے گی۔ عوامی سماعت کے دوران موجود شہریوں نے انتظامیہ کی اس پہل کی بھرپور ستائش کی اور اس امید کا اظہار کیا کہ ان کے مسائل کا جلد از جلد حل نکالا جائے گا۔