تاثیر 5جنوری ۲۰۲۶:- ایس -ایم- حسن
ممبئی، 5 جنوری:اداکار کنال کھیمو کی ویب سیریز ’’سنگل پاپا‘‘ کا پریمیئر دسمبر 2025 میں ہوا تھا اور چھ قسطوں پر مشتمل اس کامیڈی- ڈرامہ نے ریلیز کے ساتھ ہی تیزی سے فلم شائقین کے درمیان اپنی جگہ بنا لی۔ زبردست ردعمل کے بعد، سیریز کےمیکرز اب دوسرے سیزن کے ساتھ واپسی کے لیے تیار ہیں۔ نیٹ فلکس نے باضابطہ طور پر’’سنگل پاپا2 ‘‘کا اعلان کر دیا ہے ، جس کے بعد شائقین کا جوش و خروش واضح طور پر نظر آ رہا ہے۔
اسٹریمنگ پلیٹ فارم نے’سنگل پاپا 2‘کا نیا پوسٹر شیئر کیا اور کیپشن میں لکھا،’’مبارک ہو، سیزن 2 ہونے والاہے۔ سنگل پاپا: سیزن 2، جلد آرہا ہے، صرف نیٹ فلکس پر۔‘‘ اس اعلان کے ساتھ ہی ناظرین سوشل میڈیا پر اپنی خوشی کا اظہار کرتے ہوئے نظر آ رہے ہیں اور نئی قسط کا بے صبری سے انتظار کر رہے ہیں۔