تاثیر 30 جنوری ۲۰۲۶:- ایس -ایم- حسن
جموں, 30 جنوری :شمالی ریلوے کے جنرل منیجر اشوک کمار ورما نے جموں و کشمیر میں سرینگر کٹرا ریلوے سیکشن کا تفصیلی معائنہ کیا۔ ایک سرکاری عہدیدار کے مطابق یہ معائنہ حالیہ برف باری اور شدید سرد موسم کے پیش نظر انجام دیا گیا۔معائنہ کے دوران جنرل منیجر نے سرینگر سمیت متعدد اہم ریلوے اسٹیشنوں کا دورہ کیا اور مسافروں کے لیے دستیاب سہولیات کا جائزہ لیا تاکہ سخت سردیوں میں بھی مسافروں کو مناسب سہولتیں فراہم کی جا سکیں۔
عہدیدار نے بتایا کہ اشوک کمار ورما نے سرنگوں اور پلوں پر جاری تعمیراتی اور دیکھ بھال کے کاموں پر خصوصی توجہ دی۔ انہوں نے ریلوے ٹریک کے اہم حصوں، جن میں پوائنٹس، سوئچز اور ٹرن آؤٹس شامل ہیں، کا خود معائنہ کیا تاکہ منفی درجہ حرارت میں بھی محفوظ اور بلا تعطل آپریشن کو یقینی بنایا جا سکے۔