امپلس ڈائریکٹر ساجد رحمانی نے متھلا انسٹی ٹیوٹ کا دورہ کیا

دربھنگہ(فضاامام): 2019 سے یہ ادارہ متھیلانچل میں پیرا میڈیکل کے شعبے میں غیر معمولی کارکردگی کا مظاہرہ کر رہا ہے، جس نے شعبہ طبی کے شعبے میں تعلیم یافتہ اور اہل پیرامیڈیکس فراہم کرکے ایک منفرد ریکارڈ قائم کیا ہے۔ ہمارا مکمل اعتماد اور تعاون متھیلا انسٹی ٹیوٹ آف ٹیکنالوجی اینڈ میڈیکل سائنس کے ساتھ ہے۔ مظفر پور کے امپلس ایجوکیشن پوائنٹ کے ڈائریکٹر ساجد رحمانی نے یہ بات متھیلا انسٹی ٹیوٹ میں روشنی پروین ڈپلومہ ان ریڈیو امیجنگ ٹیکنالوجی، ماریہ پروین ڈپلومہ میڈیکل لیب ٹیکنالوجی اور ذیشان فیضی بیچلر آف میڈیکل لیب ٹیکنالوجی سے ملاقات کے بعد کہی۔ جناب ساجد رحمانی نے اپنی ستائش کا اظہار کرتے ہوئے کہا کہ جس طرح دربھنگہ میڈیکل کالج اینڈ ہاسپٹل شمالی بہار کا بہترین کالج اور اسپتال ہے اسی طرح متھیلا انسٹی ٹیوٹ آف ٹیکنالوجی اینڈ میڈیکل سائنس پیرا میڈیکل کے شعبے میں بہترین طبی ادارہ ہے۔ ساجد رحمانی نے کہا کہ معیاری فیکلٹی اور جدید آلات سے لیس لیب کی بدولت یہاں کی تعلیم بے مثال ہے۔ چیئرمین ڈاکٹر احمد نسیم آرزو کے نگرانی میں ڈائریکٹر شاہد اطہر ایڈووکیٹ، اور پرنسپل گوپی کشن کی نگرانی میں طلباء وطالبات کو بہترین طریقے سے تعلیم دے رہے ہیں۔ یہی وجہ ہے کہ حال ہی میں اس ادارے کے ایک طالب علم نے بہار کی سرکاری ملازمت کو کامیابی کے ساتھ مکمل کر کے ادارے کا نام روشن کیا ہے۔ ساجد رحمانی کا استقبال متھیلا ثقافت کو مدنظر رکھتے ہوئے شال اور تحائف سے کیا گیا۔