تاثیر 30 جنوری ۲۰۲۶:- ایس -ایم- حسن
نئی دہلی، 30 جنوری : کویت سے دہلی جانے والی انڈیگو کی پرواز کو بم سے اڑانے کی دھمکی ملنے کے بعد احتیاطی تدابیر کے طور پر احمد آباد میں ہنگامی لینڈنگ کروائی گئی۔ جہاز میں سوار تمام 180 مسافر محفوظ ہیں۔ تاہم، ایئر لائن کی طرف سے کوئی تبصرہ نہیں کیا گیا ہے۔
ہوائی اڈے کے حکام نے بتایا کہ کویت سے دہلی جانے والی انڈیگو کی پرواز کو جمعہ کی صبح احمد آباد کے سردار ولبھ بھائی پٹیل بین الاقوامی ہوائی اڈے پر بم کی دھمکی ملنے کے بعد ڈائیورٹ (موڑ) کر دیا گیا۔ یہ دھمکی ٹشو پیپر پر لکھے ایک نوٹ میں پائی گئی جس میں فلائٹ کو ہائی جیک کرکے بم سے اڑا دینے کی دھمکی دی گئی تھی۔