تاثیر 25 جنوری ۲۰۲۶:- ایس -ایم- حسن
ڈھاکہ، 25 جنوری : بنگلہ دیش کے بارگونا-2 پارلیمانی حلقے سے جماعت اسلامی بنگلہ دیش کے حمایت یافتہ امیدوار کی انتخابی تقریر کی ویڈیو سوشل میڈیا پر وائرل ہونے کے بعد پورے ملک میں بحث چھڑ گئی ہے۔ وائرل ویڈیو میں، وہ یہ کہتے ہوئے سنے جا رہے ہیں، ’’بنگلہ دیش میں، جس میں 80 فیصد مسلم آبادی ہے، میں ایک غیر مذہبی یا غیر مسلم رکن پارلیمنٹ کا ہونا ناممکن ہے‘‘۔
یہ بیان 22 جنوری کی رات، بنگلہ دیش کے 13ویں قومی پارلیمانی انتخابات کی مہم کے پہلے دن دیا گیا۔ افضال حسین نے ان خیالات کا اظہار جماعت اسلامی بنگلہ دیش کے انتخابی جلسے سے خطاب کرتے ہوئے کیا۔منتظمین کے مطابق افضال حسین نے جلسے کے دوران جماعت اسلامی میں شمولیت کا باضابطہ اعلان کیا۔
افضال حسین نے اپنی تقریر میں کہا کہ ”پارلیمنٹ میں بلند آواز سے اعلان کیا جائے گا کہ یہ ملک مسلمانوں کا ہے، جہاں 80 فیصد آبادی مسلمان ہے، وہاں ایک غیرمذہبی یا قابل اعتراض شخص کا پارلیمنٹ کا رکن بننا ناممکن ہے اور نہ ہی وہاں غیر اسلامی آئین موجود رہ سکتا ہے”۔