تاثیر 1 فروری ۲۰۲۶:- ایس -ایم- حسن
سارن، 31 جنوری : سینئر سپرنٹنڈنٹ آف پولیس ونیت کمار نے ضلع میں پولیس کے کام کرنے کے انداز اور نظم و ضبط کے حوالے سے ایک اہم پیغام دیا ہے۔ پاناپور تھانہ انچارج کو ڈیوٹی میں لاپروائی اور شکایت کنندگان کی شکایات کو نظر انداز کرنے پر فوری اثر سے معطل کر دیا گیا ہے۔ اس کارروائی کو محکمہ پولیس میں پائی جانے والی بے حسی کے خلاف ایک اہم انتباہ کے طور پر دیکھا جا رہا ہے۔
اطلاعات کے مطابق ایک خاتون نے براہ راست سینئر سپرنٹنڈنٹ آف پولیس سے رابطہ کیا اور شکایت کی کہ پاناپور تھانہ انچارج اس کے ساتھ پیش آنے والے واقعے کے بارے میں ایف آئی آر درج نہیں کررہے ہیں۔ خاتون نے الزام لگایا کہ وہ انصاف کے حصول کے لیے تھانہ کے چکر لگاتی رہی لیکن تھانہ انچارج معاملے میں تاخیر کر رہے ہیں۔