تاثیر 12 فروری ۲۰۲۶:- ایس -ایم- حسن
نئی دہلی، 12 فروری: ایشوریہ پرتاپ سنگھ تومر نے اپنے تجربے کا مظاہرہ کرتے ہوئے فائنل شاٹ میں بہترین 10.7 کے ساتھ نیرج کمار کو شکست دے کر نئی دہلی میں ڈاکٹر کرنی سنگھ شوٹنگ رینج میں ایشین رائفل-پستول چیمپئن شپ 2026 میں 50 میٹر رائفل تھری پوزیشن ایونٹ میں طلائی تمغہ جیتا۔ ہندوستان نے ایونٹ میں کلین سویپ مکمل کیا، اکھل شیوران نے کانسہ کا تمغہ جیتا۔
نیرج کمار کا یہ پہلا انفرادی بین الاقوامی تمغہ ہے۔ وہ 35ویں اور آخری شاٹ سے پہلے 0.2 پوائنٹس کی برتری پر تھے۔ انہوں نے اپنے پہلے شاٹ پر 10.3 کاا سکور کیا، جس سے ایشوریہ کو گولڈ جیتنے کے لیے 10.6 کی ضرورت تھی۔ عالمی چمپئن شپ کی چاندی کا تمغہ جیتنے والی ایشوریہ نے دباؤ میں شاندار کارکردگی کا مظاہرہ کیا اور نیرج کو پیچھے چھوڑتے ہوئے گولڈ میڈل جیتنے کے لیے 10.7 شوٹ کیا۔ ایشوریہ کا کل اسکور 362.0 تھا، جب کہ نیرج نے 361.8 پوائنٹس کے ساتھ چاندی کا تمغہ جیتا۔ اکھل شیوران نے 343.5 کے اسکور کے ساتھ کانسہ کا تمغہ جیتا۔