تاثیر 11 فروری ۲۰۲۶:- ایس -ایم- حسن
لکھنؤ، 11 فروری : اتر پردیش کے وزیر اعلی یوگی آدتیہ ناتھ نے بدھ کے روز اتر پردیش کے بجٹ کو ریاست کے لوگوں کی امنگوں کے مطابق قرار دیا، جس میں عوامی بہبود، روزگار کی تخلیق، سرمایہ کاری میں توسیع اور خواتین کے احترام کو فروغ دیا گیا ہے۔ انہوں نے کہا کہ اتر پردیش وزیر اعظم نریندر مودی کے وکست بھارت کے وژن کے مطابق آگے بڑھ رہا ہے۔
وزیر اعلی یوگی آدتیہ ناتھ آج قانون ساز اسمبلی کے تلک ہال میں میڈیا کے ساتھ بجٹ پر چرچا کر رہے تھے۔ انہوں نے کہا کہ گزشتہ نو برسوں میں لوگوں کا تصور بدلا ہے اور یہ بجٹ تین گنا بڑھا ہے۔ یہ بجٹ محفوظ خواتین، قابل نوجوانوں، خوشحال کسانوں اور ہر ہاتھ کو کام کے ساتھ ساتھ ٹیکنالوجی کا فائدہ اٹھا کر تعمیر نو کی داستان لکھتا ہے۔ اس میں نئی اسکیموں کے لیے تقریباً 43ہزار کروڑ روپے اوردو لاکھ کروڑ روپے سے زیادہ بنیادی ڈھانچے، روزگار اور ہنرمندی کی ترقی کے لیے تجویز کئے گئے ہیں۔