تاثیر 19 فروری ۲۰۲۶:- ایس -ایم- حسن
نئی دہلی، 19 فروری :مرکزی حکومت نے پنجاب میں بنیادی ڈھانچے کی ترقی اور ٹریفک کے مسائل کو حل کرنے کے لیے ایک بڑا قدم اٹھایا ہے۔ مرکزی سڑک ٹرانسپورٹ اور شاہراہوں کے وزیر نتن گڈکری نے این ایچ-205اے کے امبالا-چندی گڑھ سیکشن کو زیرک پور بائی پاس سے جوڑنے کے لیے 6 لین والے ایکسپریس کنٹرولڈ گرین فیلڈ اسپر کی تعمیر کا اعلان کیا ہے۔ اس کے لیے 1,463.95 کروڑ روپے منظور کیے گئے ہیں۔
نتن گڈکری نے اپنی پوسٹ میں کہا کہ یہ پروجیکٹ ٹرائیسٹی رنگ روڈ کا حصہ ہے۔ یہ موہالی، چنڈی گڑھ اور پنچکولہ کے بڑے شہروں کے جنکشنوں پر ٹریفک کی بھیڑ کو کم کرے گا اور بھاری گاڑیوں کی ٹریفک کو موڑ دے گا۔
انہوں نے کہا کہ یہ کوریڈور این ایچ-44، این ایچ-205اے، اور این ایچ-152 پر بھیڑ کو کم کرے گا، اور ہماچل پردیش، خاص طور پر شملہ خطے کو تیز اور آسان رابطہ فراہم کرے گا۔ اس سے سفر کے وقت میں کمی آئے گی اور علاقائی اقتصادی انضمام کو تقویت ملے گی۔