تاثیر 12 فروری ۲۰۲۶:- ایس -ایم- حسن
سہسرام ( انجم ایڈوکیٹ ) روہتاس کلکٹریٹ دفتر میں ضلع کلکٹر مسز ادیتا سنگھ نے آج ایک عظیم الشان تقریب کا انعقاد کیا جسمیں “روڈ سیفٹی مہینہ 2026” کے تحت منعقدہ مختلف مقابلوں کے فاتحین کو اعزاز بخشا گیا جس کا اہتمام “روڈ سیفٹی جان بچاتا ہے” کے عزم کے ساتھ کیا گیا تھا ۔ ضلع کلکٹر نے ضلع کے مختلف اسکولوں کے ہونہار طلباء کو سرٹیفکیٹ اور میڈل پیش کئے اور ان کی حوصلہ افزائی کی ۔ قابل ذکر ہے کہ روڈ سیفٹی مہینے کے دوران طلباء میں روڈ سیفٹی قوانین کے بارے میں بیداری پیدا کرنے کے لئے مضمون نویسی، پینٹنگ، سلوگن رائٹنگ، اور کوئز جیسے مقابلوں کا انعقاد کیا گیا تھا ۔ اپنے خطاب میں ضلع کلکٹر نے کہا کہ “بچے نہ صرف ملک کا مستقبل ہیں بلکہ وہ معاشرے میں تبدیلی کے سب سے بڑے محرک بھی ہیں ۔ روڈ سیفٹی صرف ایک اصول نہیں بلکہ زندگیاں بچانے کی کلید ہے ۔ اگر بچوں کو ٹریفک قوانین کا علم ہوگا تو وہ اپنے والدین اور معاشرے کو بھی آگاہ کر سکینگے ۔” طلباء سے خطاب کرتے ہوئے ضلع ٹرانسپورٹ آفیسر مسٹر راکیش کمار سنگھ نے کہا، “ہیلمٹ اور سیٹ بیلٹ پہننا نہ صرف ایک قانون نہیں ہے بلکہ ایک حفاظتی ڈھال بھی ہے، ایوارڈ یافتہ طلباء اب اپنے خاندان اور آس پاس کے لوگوں کو روڈ سیفٹی کے ‘برانڈ ایمبیسیڈر’ کے طور پر آگاہ کرینگے ۔” اعزاز پانے والے طلباء میں پہلی پوزیشن پر راجنندنی، روچیتا کماری، سینٹ جوزف اسکول کی سوناکشی موریہ، لکشمی کماری، آشی کماری، نندنی کماری، گورنمنٹ مڈل اسکول شیو گنج ڈہری کی طالبات پہلی پوزیشن پر ہیں ۔ سینٹ جوزف اسکول کے روہن کمار، سوناکشی کماری، سریشتی موریا، پیوش کمار، انجلی کماری، تنو کماری، ابھیشیک شرما دوسرے نمبر پر ہیں ۔ آستھا کماری، شریا کماری، لکی سنگھ، دیواکر کمار، پریا کماری، سریشتی کماری، چاندنی کماری، ساکشی سمن اور سمر کمار تیسرے نمبر پر رہیں ۔ MVI K.K پروگرام میں کے کے ترپاٹھی، گڈو کمار، سینٹ جوزف اسکول کے ڈائریکٹر اور بہار پبلک اسکول اینڈ چلڈرن ویلفیئر ایسوسی ایشن کے ضلع صدر سنتوش کمار، محکمہ ٹرانسپورٹ کے افسران اور اسکول کے پرنسپل وغیرہم موجود تھے ۔ پروگرام کے اختتام پر تمام حاضرین نے روڈ سیفٹی کا عہد لیا اور اس عزم کا اظہار کیا کہ وہ ٹریفک قوانین پر تندہی سے عمل کرینگے اور دوسروں کو بھی ایسا کرنے کی ترغیب دینگ